-          Манай хүүхэд сайн суралцдаг. Бид хүүхдээ анги алгасан суралцуулмаар байна. Хэнд яаж хандах вэ?  Сургуулийн захиргаанд анги алгасан суралцах хүсэлтээ есдүгээр сарын 10-ны дотор гаргана. Таны хүсэлтийг багш нарын зөвлөгөөний хурлаар хэлэлцэж, тэдний санал, дүгнэлтийн үндэслэн суралцагчийн судалгааг тухайн оны 9-р сарын 15-ны дотор аймаг, нийслэлийн боловсролын асуудал хариуцсан нэгжид хүргүүлнэ. Нэгж гэдэг нь аймагт Боловсрол, соёлын газар, нийслэлд дүүргүүдийн Боловсролын хэлтсийг хэлж байгаа юм. Тус газар таны хүсэлтийг судлан үзээд

мэдлэг, чадварын төвшин тогтоох шалгалт өгөх суралцагчийн нэрсийг гаргаж, есдүгээр сарын 25-ны дотор сургуулиудад хүргүүлдэг. Анги алгасан суралцах хүүхдэд хот, аймаг, улс, олон улсын чанартай олимпаид, уралдаан, тэмцээнд оролцож, нэгээс гуравдугаар байр эзэлсэн байх. Алгасан суралцах ангид үзэх хичээлийн агуулгыг бие даан бүрэн эзэмших, жилийн эцсээр 100 хувь шалгуулсан байх. Мэдлэг чадварын төвшин тогтоох шалгалтаар бүх хичээлүүдийн үнэлгээ 100 хувьтай шалгагдсан байх зэрэг шаардлага тавьдаг. / “Амралтын шуудан” сонины 128/842-р дугаараас /